Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Pósthús og opnunartímar
EN IS
Hafa samband
Loka

Nýjung á jólagjafamarkaði: Margt Smátt

Nýjung á jólagjafamarkaði: Margt Smátt

6.nóvember 2019

Margt Smátt kynnir um þessar mundir spennandi nýjung inn á jólagjafamarkaðinn, þar sem Pósturinn sér um að taka á móti sendingum og dreifa til viðskiptavina. Við hittum Árna Esra Einarsson, markaðsstjóra Margt Smátt og báðum hann um að segja okkur frá þessari nýjung.

Segðu okkur aðeins frá Margt Smátt og hvað þið gerið?

Margt smátt er leiðandi fyrirtæki á íslenskum markaði í sölu á auglýsinga- og gjafavörum. Margt smátt býður upp á fjölbreyttar lausnir sem koma þínum skilaboðum til viðskiptavina á framfæri á eftirtektarverðan hátt. Fyrirtækið var stofnað 1988 og hjá því starfa 27 starfsmenn sem sinna öllu frá framleiðslu (prentun og merkingu) og yfir í sölu- og markaðsmál. Fyrirtækið starfar fyrst og fremst á fyrirtækjamarkaði en eftir að vefverslun fyrirtækisins opnaði er sífellt algengara að einstaklingar panti sérmerktar vörur, t.d. fyrir árshátíðir vinahópa.

Hvað geturðu sagt mér um jólagjafirnar sem þið bjóðið fyrirtækjum?

Við höfum alla tíð selt fyrirtækjum jólagjafir fyrir starfsmenn. Hér áður fyrr var algengt að fyrirtæki gæfu t.d. merktar töskur eða peysur þar sem allir starfsmenn fengu sömu jólagjöf. Það er ákveðinn hausverkur fyrir mannauðsdeildir fyrirtækisins að finna gjöf sem hentar öllu starfsfólki. Ekki síst þegar starfsmannahópurinn er á breiðum aldri og með ólíkar þarfir og smekk. Við þekkjum þessa þróun vel. Mörg fyrirtæki hafa prófað að gefa matarkörfur sem getur reynst snúið þar sem fólk er með ólíkt mataræði og t.d. passar kjöt- og ostakarfa ekki þeim sem eru vegan.

Tilgangurinn er alltaf að gleðja og þakka starfsfólki fyrir vel unnin störf á árinu og best er að finna gjöf sem hittir í mark fyrir sem flesta og að fólk losni við að þurfa að skila eða fái eitthvað sem ekki passar því. Við fundum þessa gjafakortalausn á sýningu í janúar og okkur leist strax mjög vel á, einmitt til þess að svara þörf á markaði. Þetta er nýjung á íslenskum markaði og móttökurnar hafa verið frábærar.

Hvað er nýtt við þessa vöru?

Gjafakortin eru þannig uppbyggð að fyrirtæki velja gjafakort þar sem starfsmenn velja sjálfir úr gjöfum af sérstakri heimasíðu. Alls er úr 700 gæðavörum að velja og hægt að velja fjögur misverðmæt gjafa- og jólakort. Á bak við hvert kort sem gefið er má velja úr hundrað mismunandi gjafir í nokkrum vöruflokkum til að setja í jólapakkana sem Pósturinn sér svo um að koma til skila. Margt smátt getur jafnvel sérhannað gjafakort og jólakort með vörumerki og jólakveðju frá fyrirtækinu. Sum fyrirtæki nýta tækifærið og setja myndir úr starfseminni inn í kortið með jólakveðju frá fyrirtækinu.

Við erum með sérhannað vefviðmót, þar sem búið er að stilla saman vörumerki og kveðju frá fyrirtækinu og varan sem sést á síðunni er alltaf til á lager. Upphæðin kemur ekki fram á jólakortinu heldur birtast aðeins þær vörur sem starfsmaðurinn hefur úr að velja.

Hugsunin er sú að gjafakort frá Margt Smátt sé ávísun á verðmæti en sá sem þiggur gjöfina getur einnig valið um að upphæðin renni til góðgerðarmála, allt í gegnum heimasíðuna. Ég finn að þetta er að svara þörf á markaði, bæði létta á mannauðsdeildum í tengslum við jólagjafir og einnig að auka líkurnar á að starfsmaðurinn fái gjöf sem hentar honum. Við finnum sérstaka ánægju hjá fyrirtækjum sem eru með starfsemi út á landi. Fyrirtækið kaupir og afhendir gjafakortin og við sjáum um rest. Starfsmaðurinn fær jólakortið, velur sér það sem viðkomandi vill og Pósturinn sér um að koma gjöfinni í réttar hendur. Þú velur þér þína gjöf í rauninni sjálf(ur) og allt eru þetta veglegar og fallegar gjafir.

Hvað varð til þess að þið völduð Póstinn sem samstarfsaðila?

Við höfum unnið með Póstinum lengi og sérstaklega núna þegar við notum eigin vefverslun. Viðskiptavinir okkar óska ýmist eftir því að fá sent heim til sín eða í sitt fyrirtæki og það er einfaldast að vera með allt hjá Póstinum. Þetta er einfaldlega þægilegt ferli og „no brainer“ fyrir okkur. Það kom ekkert annað til greina. Reynslan er góð en við spurðumst einnig fyrir á markaðinum og fengum ráð og meðmæli frá öðrum stórum netverslunum.

Hvað skiptir ykkur mestu máli í samstarfinu?

Þjónustustigið fyrst og fremst. Fyrirtækjaþjónustan kemur til okkar tvisvar á dag sækir til okkar. Þetta gengur hratt og vel fyrir sig og yfirleitt er verið að afhenda vöruna til heim að dyrum til okkar viðskiptavina næsta dag. Hraði og þjónusta skiptir okkur miklu máli.

Við höfum unnið að þessari nýju vöru sleitulaust síðan í janúar og aðlaga að okkar viðskiptavinum. Það skiptir líka miklu máli að ég þarf ekki að vera með lagerinn sjálfur hér. Við erum við sýningarrými en lagerinn sjálfur er í Svíþjóð. Varan stoppar því ekki hér hjá mér, heldur er afgreidd beint frá lager erlendis til viðskiptavina. Svona fyrirkomulag sparar okkur mikinn tíma og vinnu, varan þarf ekki að koma til okkar, heldur er henni pakkað, hún merkt og svo send beint til viðtakanda; ekkert auka stopp hér í húsi. Þetta er hraðvirkt og virkar vel.

Hver er vinsælasta varan?

Það er mjög mismunandi, allt frá sængurverasettum yfir í mjög vandaða potta og sett til að bera fram mat. Við sjáum að fólk er oft að velja sér vörur sem það kaupir kannski ekki vanalega handa sjálfu sér, en langar í. Það má líka nefna það að eitthvað sem hefur t.d. 5000 þús. króna verðmiða fyrir fyrirtækið, er vara sem myndi kosta um 10.000 kr. í búð. Við viljum að starfsmaðurinn upplifi vöruna sem rausnarlega.

Hvernig sérðu fyrir þér framhaldið?

Þetta á bara eftir að verða algengara eins og við sjáum erlendis frá. Við munum halda áfram að þróa og bæta við þessa vöru og hugsanlega munum við sjá spennandi nýjungar sem tengjast upplifun bætast í vöruúrvalið. Við erum búin leggja mikla vinnu í þessa nýjung á markaði og erum mjög stolt af því að geta boðið viðskiptavinum okkar þessa lausn.

Margt Smátt notar safnsendingar frá Póstinum

Pósturinn býður viðskiptavinum í innflutningi einfalda og þægilega leið til að koma vörum beint til neytenda. Netverslanir sem selja vörur beint að utan til viðskiptavina geta sparað sér mikinn kostnað og fyrirhöfn með að láta safna sendingum saman og tolla inn til landsins sem eina.

Ferlið er ákaflega einfalt, söluaðilar láta birgja safna pöntunum saman og senda sem safnsendingu beint í vöruhús Póstsins. Pósturinn tekur á móti sendingunni, tollar, skiptir henni upp og sendir svo daginn eftir. Með þessu sparar söluaðilinn sér tíma og fyrirhöfn að þurfa að taka á móti sendingum, merkja og senda hverjum og einum auk þess ætti ferlið að ganga hraðar fyrir sig. Þessi þjónusta gefur viðskiptavinum ný og spennandi tækifæri til að selja vörur beint að utan og hafa fjölmargir viðskiptavinir eins og netverslanir nýtt sér þessa þjónustu Póstsins í dag með góðum árangri.

Það eina sem þarf að tryggja er að sendingarnar sem búið er að safna saman séu merktar og tilbúnar til vinnslu.

Smelltu hér til að sjá nánar lausnir Póstsins fyrir netverslanir

  • Netsamtal

Fótspor

Velkomin á vefsíðu Póstsins. Þessi síða notar fótspor (e. cookies) til að bæta upplifun þína á vefnum. Lesa nánar um notendaskilmála hér