Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Pósthús og opnunartímar
EN IS
Hafa samband
Loka

Fréttatilkynning

Fréttatilkynning

29.nóvember 2018

Vegna umfjöllunar um kostnað við alþjónustuskyldu sem Íslandspóstur sinnir og fjárfestingar fyrirtækisins, vill Íslandspóstur koma eftirfarandi á framfæri. 

Alþjónustubyrði

Í mars síðastliðnum lá fyrir niðurstaða Copenhagen Economics um fjárhagslega byrði sem hvílir á Íslandspósti vegna alþjónustuskyldna íslenska ríkisins sem Íslandspóstur sinnir samkvæmt rekstrarleyfi. Niðurstaðan sem fram kemur í skýrslunni er fyrir árið 2016 og er hún sú að ófjármögnuð alþjónustubyrði á því ári er metin um 650 millj. kr. Með því að nota sömu aðferðir við útreikninga á byrði vegna áranna 2013, 2014, 2015 og 2017 fæst sú niðurstaða að á tímabilinu 2013-2017 hafi byrði Íslandspósts vegna alþjónustuskyldna numið um 2,6 milljörðum króna. Nálgun og aðferðir þær sem Copenhagen Economics notar eru vel þekktar um allan heim og uppfylla kröfur um útreikning á alþjónustubyrði sem settar eru fram í viðauka við pósttilskipun Evrópusambandsins en fyrirtækið hefur unnið fyrir Evrópusambandið, eftirlitsstofnanir með póststarfsemi, póstyfirvöld og póstfyrirtæki víða um heim. Það er mat Íslandspósts að nálgun Copenhagen Economics við mat á byrðinni sé sú besta sem völ er á og vonar fyrirtækið að samstaða náist um lausn á vanda íslenska ríkisins vegna alþjónustuskyldna í póstþjónustu á grundvelli þeirra niðurstaðna.

Skýrsla Copenhagen Economics er aðgengileg á heimasíðu Íslandspósts: https://www.postur.is/media/3359/skyrsla-ce.pdf

Fjárfestingar

Á 12 ára tímabili frá árinu 2006 til 2017 námu fjárfestingar Íslandspósts í rekstrarfjármunum samtals um 5,9 milljörðum króna, þar af voru 3,9 milljarðar króna vegna bifreiða og búnaðar og 2,0 milljarðar vegna fasteigna. Á móti voru seldar eignir fyrir 0,6 milljarða króna. Á sama tíma námu heildartekjur Íslandspósts um 84 milljörðum króna.  Hlutfall nettó fjárfestinga nemur því um 6% af tekjum. Með fjárfestingum í fasteignum hefur fermetrum fækkað um þriðjung sem hefur haft töluverð áhrif til lækkunar á rekstarkostnaði.

Fjárfestingar í eignarhlutum í öðrum félögum námu á sama tímabili um 348 milljónum króna.  

ePóstur

Eins og fram kom í viðtali við forstjóra Íslandspósts, Ingimund Sigurpálsson, í Kastljósi síðastliðinn mánudag var heildarkostnaður við þróun á hugbúnaði hjá félaginu ePósti ehf. um 300 milljónir króna. Um er að ræða þróunarverkefni fyrir rafrænar bréfasendingar. Tilgangur verkefnisins var að bregðast við breyttum kröfum og samskiptavenjum almennings. Grunnurinn að kerfinu var keyptur frá Canada Post og er það sambærilegt kerfum sem önnur póstfyrirtæki hafa verið að nota og þróa. Verkefnið fellur undir hlutverk Íslandspósts samkvæmt samþykktum félagsins og póstlögum, en þar er kveðið á um að skylt sé að þróa þjónustuna í takt við breytingar á tækni, hagræna og félagslega þætti og þarfir notenda.

Þrátt fyrir að upprunalegur tilgangur með verkefninu hafi breyst þá hefur hugbúnaðurinn nýst Íslandspósti við að þróa þjónustu við viðskiptavini í formi þjónustuvefs.

Trönur

Félagið Trönur ehf. hefur engan sjálfstæðan rekstur en á eina fasteign þar sem ein af dreifingarstöðvum Íslandspósts er starfrækt. Frá árinu 2008 hefur verið rúmlega 20 milljón króna tap á rekstri félagsins, vegna gengisáhrifa af lánum sem hvíla á fasteigninni.

Eignarhlutar í öðrum félögum

Eignarhlutar í öðrum félögum hafa skilað Íslandspósti um 192 milljónum króna á tímabilinu 2006 til 2017.

  • Netsamtal

Fótspor

Velkomin á vefsíðu Póstsins. Þessi síða notar fótspor (e. cookies) til að bæta upplifun þína á vefnum. Lesa nánar um notendaskilmála hér