Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Pósthús og opnunartímar
EN IS
Hafa samband
Loka

Coolshop.is og Pósturinn í samstarf

Coolshop.is og Pósturinn í samstarf

27.nóvember 2019

Fréttatilkynning

Coolshop.is og KiDS Coolshop hafa gert samstarfssamning við Póstinn þess efnis að Pósturinn muni nú sjá um vörudreifingu á sendingum um allt land. Þá notast Coolshop.is við vefþjónustu Póstsins sem gerir netverslun þeirra kleift að birta þjónustuframboð og tengjast beint við skráningakerfi Póstsins.



Coolshop.is er netverslun með yfir 27.000 vörum, verslunin býður upp á afþreyingarvörur og lífsstílsvörur ásamt mörgu fleira. Mikil reynsla er á bakvið Coolshop en fyrirtækið hefur á síðustu árum opnað  vefverslanir í Danmörku, Englandi, Svíþjóð, Noregi, Finnlandi, Þýskalandi, Hollandi og nú á Íslandi.

Pósturinn leggur mikinn metnað í að veita viðskiptavinum sínum framúrskarandi og áreiðanlega þjónustu á sviði vörudreifingar, en dreifikerfi fyrirtækisins er víðfemt og nær til allra landsmanna.

„Það kom ekkert annað til greina en að vinna þetta með Póstinum þar sem þeir eru með öflugasta dreifikerfið sem nær til allra landsmanna. Það er líka frábært að geta tengst þeim tæknilausnunum sem eru í boði en það sparar okkur gríðarlegan tíma að allar upplýsingar skili sér strax inn í skráningarkerfið. Við hlökkum til samstarfsins og erum fullviss um að það eigi eftir að ganga vel.“

segir Einar Þór Sigurgeirsson framkvæmdastjóri KiDs Coolshop.

„Það er okkur hjá Póstinum mjög mikilvægt að fara í samstarf við svona sterkan samstarfsaðila eins og Coolshop. Netverslun er sífellt að vaxa og við leggjum höfuðárherslu á að veita netverslunum framúrskarandi þjónustu sem skila sér áfram til þeirra viðskiptavina. Samstarfið við Coolshop styrkir þetta enn frekar og erum við spennt og þökkum þeim traustið.“

segir Viðar Blöndal, viðskiptastjóri hjá Póstinum

  • Netsamtal

Fótspor

Velkomin á vefsíðu Póstsins. Þessi síða notar fótspor (e. cookies) til að bæta upplifun þína á vefnum. Lesa nánar um notendaskilmála hér