Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Pósthús og opnunartímar
EN IS
Hafa samband
Loka

Framkvæmdastjórn

  Birgir Jónsson, forstjóri Íslandspósts    
   
  

Birgir Jónsson, forstjóri Íslandspósts.

Birgir hóf störf hjá Póstinum í júní 2019. Hann hefur fjölbreytta reynslu af stjórnun og rekstri bæði hér heima og erlendis. Birgir var svæðisstjóri Össurar í Asíu með aðsetur í Hong Kong, forstjóri Iceland Express og síðar aðstoðarforstjóri Wow Air. Um árabil bjó hann og starfaði í Rúmeníu, Búlgaríu og Ungverjalandi þar sem hann var forstjóri Infopress Group, einnar stærstu prentsmiðju í Austur-Evrópu. Þá hefur Birgir komið að mörgum verkefnum á sviði endurskipulagningar og umbreytinga ásamt því að hafa staðið í eigin rekstri og að hafa starfað sem atvinnutónlistarmaður. Birgir er með MBA gráðu frá University of Westminster í London og BA (Hons) frá University of the Arts London.

      
 
 

Anna Katrín Halldórsdóttir, framkvæmdastjóri markaðs- og sölusviðs.

Anna Katrín hóf störf hjá Íslandspósti sem framkvæmdastjóri markaðs- og sölusviðs árið 2003. Anna Katrín er viðskiptafræðingur cand oecon, frá Háskóla Íslands og master í alþjóðaviðskiptum með áherslu á stefnumótun og stjórnun, cand merc, frá Copenhagen Business School.

 
Helga Sigríður Böðvarsdóttir   
   
 

Helga Sigríður Böðvarsdóttir, framkvæmdastjóri fjármálasviðs.

Helga Sigríður hóf störf hjá Íslandspósti árið 2005 við ýmis verkefni á sviði reikningshalds félagsins. Hún tók við starfi framkvæmdastjóra fjármálasviðs 2007. Helga Sigríður er viðskiptafræðingur frá Háskóla Íslands og löggiltur endurskoðandi.

 
Hörður Jónsson   
   
 

Hörður Jónsson, framkvæmdastjóri pósthúsasviðs.

Áður en Hörður tók við starfi sem framkvæmdastjóri Pósthúsasviðs árið 2001 hafði hann gegnt ýmsum störfum hjá fyrirtækinu m.a. sem forstöðumaður þjónustustaða. Hörður hefur leitt þær umfangsmiklu breytingar sem orðið hafa á pósthúsa- og póstafgreiðsluneti fyrirtækisins á undanförnum árum. Hörður er viðskiptafræðingur, cand oecon, frá Háskóla Íslands.

 
Sigríður Indriðadóttir   
   
 

Sigríður Indriðadóttir, framkvæmdastjóri starfsmannasviðs.

Sigríður tók við starfi framkvæmdastjóra starfsmannasviðs árið 2018. Hún hefur víðtæka reynslu af mannauðsmálum og starfaði áður við stjórnun, ráðgjöf og þjálfun á því sviði. Sigríður er með B.Ed gráðu frá Kennaraháskóla Íslands og M.SSc gráðu í mannauðs- og menntunarfræðum frá Háskólanum í Lundi, auk þess sem hún lauk markþjálfunarnámi frá Háskólanum í Reykjavík 2018. 

 
Tryggvi Þorsteinsson   
   
 

Tryggvi Þorsteinsson, framkvæmdastjóri framkvæmdasviðs.

Tryggvi hefur starfað sem framkvæmdastjóri framkvæmdasviðs Íslandspósts frá árinu 2001. Hann stýrir m.a. dreifingu, útkeyrslu, flutningum og fasteignadeild fyrirtækisins. Tryggvi hefur gegnt ýmsum störfum hjá fyrirtækinu og m.a. starfað sem verkfræðingur í hagræðingardeild, umdæmissérfræðingur og forstöðumaður flutningamála. Tryggvi er með B.S. próf í vélaverkfræði frá Háskóla Íslands og M.S. próf í verkfræði frá DTH í Danmörku.

 

Fótspor

Velkomin á vefsíðu Póstsins. Þessi síða notar fótspor (e. cookies) til að bæta upplifun þína á vefnum. Lesa nánar um notendaskilmála hér