Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
EN IS
Hafa samband
Loka

Sendu svarsendingu ef þú vilt fá svar eða viðbrögð frá viðtakandanum honum að kostnaðarlausu.

Sendu svarsendingu ef þú vilt fá svar eða viðbrögð frá viðtakandanum honum að kostnaðarlausu. Með því að senda viðtakandanum umslag eða afklippu með "má láta ófrímerkt í póst" greiðir fyrirtækið burðargjaldið fyrir viðskiptavini sína og eykur þannig möguleika á svörun. Sendandi þarf sjálfur að láta útbúa svarsendingar, áður en þær eru póstlagðar.

Skoðaðu leiðbeiningar um útlit svarsendinga.pdf.

Póstlagning

Til að tryggja rétta meðhöndlun mælum við með því að póstleggja svarsendingar á pósthúsum eða með Fyrirtækjaþjónustu.

Hvað er hægt að senda?

Innanlands

Umslag eða kort, lágmarksstærð: 90 x 140 mm. Hámarksstærð: 229 x 324 x 10 mm. Hámarksþyngd: 1 kg. Í stað frímerkis kemur áprentunin: „Má láta ófrímerkt í póst. Burðargjald greiðist af viðtakanda". Áletrunin „SVARSENDING" þarf að koma skýrt fram og ofan og neðan við kemur breið lárétt lína. Þar fyrir neðan kemur síðan fram nafn og póstfang viðtakanda.

Til REIMS* landa

Umslag eða kort, lágmarksstærð: 90 x 140 mm. Hámarksstærð: 229 x 324 x 10 mm. Hámarksþyngd: 2 kg. Efst í hægra hornið skal í stað frímerkis setja yfirstrikaðan frímerkjareit með áprentuninni: „Ne pas affranchir" og „No stamp required". Sendingin skal greinilega merkt með orðunum: „REPLY PAID / REPONSE PAYEE ICELAND / ISLANDE" og skal sú merking vera á milli tveggja láréttra lína. Þar fyrir neðan skal koma greinilega fram nafn, heimilisfang og póstnúmer viðtakanda. Efst í vinstra horni skal prenta merki með áletruninni: „A PRIORITAIRE / PAR AVION". Þar fyrir neðan skal prenta leyfisnúmer: „IBRS/CCRI NO:".

*Lönd innan REIMS samkomulagsins eru eftirfarandi: Austurríki, Belgía, Bretland, Danmörk, Eistland, Finnland, Frakkland, Grikkland, Holland, Ísland, Írland, Ítalía, Kýpur, Lettland, Litháen, Luxemborg, Malta, Noregur, Pólland, Portúgal, Slóvakía, Slóvenía, Spánn, Svíþjóð, Sviss, Tékkland, Ungverjaland, Þýskaland, og Vatíkanið.

Til útlanda

Umslag eða kort, lágmarksstærð: 90 x 140 mm. Hámarksstærð: 229 x 324 x 10 mm. Hámarksþyngd: 50 gr. Að öðru leyti eru merkingar eins og fyrir svarsendingar til Norðurlanda.

Afhending

Viðtakandi (áður sendandi) greiðir burðargjöld þegar svarsendingar koma til baka. Sé viðtakandi ekki í reikningsviðskiptum er svarsendingum safnað saman á pósthúsi og þarf að greiða fyrir þær til að fá þær afhentar. Sé viðtakandi í reikningsviðskiptum eru svarsendingar skuldfærðar og afhentar með valinni þjónustuleið.

Gott að vita

Flestir prentlitir eru í lagi svo fremi þeir séu vel aðgreinanlegir frá bakgrunni. Flúrljómandi litir og pastellitir á pastelbakgrunni ganga til dæmis ekki. Ef um kort er að ræða verður stinnleiki að vera a.m.k. 150 g/m2 (150 gr á fermetra).

  • Netsamtal