Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
IS EN
Hafa samband
Loka

Pakkar innanlands

Þú getur sent stóra, litla, langa, breiða eða mjóa pakka með Póstinum.

Pakka innanlands er hægt að senda á pósthús eða heim að dyrum. Hver pakki fær sendingarnúmer þannig að hægt er að finna sendingu, hvar hún er stödd á hverjum tíma. Við mælum með því að verðmætari sendingar séu tryggðar með pósttryggingu, en lágmarkstrygging er innifalin. Hér má sjá verð.

Póstlagning

Þú getur skráð sendingu á vefnum áður en komið er með hann á pósthús eða hann sóttur af Fyrirtækjaþjónustu. Skráning flýtir fyrir vinnslu þar sem upplýsingar berast rafrænt beint í tölvukerfi Póstsins.

Hvað er hægt að senda?

Lágmarksstærð: er umslag: 90 x 140 mm. Rúmmálsþyngd skal notuð þegar hún er meiri en raunþyngd sendingar. Sé sending rúmfrek/illmælanleg er innheimt sérstakt gjald. Já, það er hægt að senda reiðhjól í pósti. Ef þú ert með stóra sendingu, hafðu samband við Fyrirtækjasölu og fáðu tilboð.

Viðbótarþjónusta

Til viðbótarþjónustu pakka innanlands teljast m.a. brothætt, forgangsþjónusta þar sem pökkum er ekið til viðtakenda á þeim stöðum þar sem annars er ekki heimkeyrsla, sérferðir landpósta með þyngri sendingar og viðtakandi greiðir burðargjald. Kynntu þér viðbótarþjónustuna til að tryggja að sendingar fái viðeigandi meðhöndlun. Sjá nánar um viðbótarþjónustu pakka innanlands.

Pakki póstbox

Hvenær sem er sólarhringsins, alla daga ársins. Póstboxin eru átta talsins á höfuðborgarsvæðinu, hólfin í boxunum eru í þremur mismunandi stærðum og pakkar geta verið allt ad 20 kg að þyngd. Sjá staðsetningar Póstboxa.

Pakki pósthús

Pakki pósthús er tilkynntur viðtakanda, annað hvort með SMS tilkynningu eða með tilkynningu sem er borin út daginn eftir komu pakka á pósthús og getur viðtakandi þá nálgast pakkann. Pakki pósthús, er afhentur á pósthúsi viðtakanda við framvísun tilkynningar (prentuð eða SMS) og skilríkja með mynd. Viðtakandi getur einnig veitt öðrum aðila skriflegt umboð til að taka á móti pakkanum á pósthúsi fyrir sína hönd. Pakki pósthús er auðkenndur með rauðum límmiða. Pakki pósthús er hægt að fá á öll pósthús og afgreiðslustaði Póstsins. Ef sending er merkt með fylgibréfi eða pakkanúmeri en ekki með límmiða til að auðkenna afhendingarmáta, er sendingin skilgreind sem Pakki pósthús.

Pakki heim

Pakki heim er í boði í þeim póstnúmerum þar sem heimkeyrsla er. Á höfuðborgarsvæðinu (nema pnr 116, 271 og 276) og Akureyri er Pakki heim keyrður út til einstaklinga frá mánudegi til föstudags klukkan 17:00 - 22:00 og til fyrirtækja frá mánudegi til föstudags klukkan 09:00 - 17:00.  Annars staðar á landinu þar sem heimkeyrsla er í boði er mismunandi hvaða tímasetningar eiga við. Ef póstlagt er fyrir kl. 16:30 verður pakkinn keyrður út 1.2. eða 3 dag eftir póstlagningu. Gerð er ein tilraun til afhendingar og sé hún árangurslaus er skilin eftir tilkynning. Í þeim tilfellum má nálgast pakkann á viðkomandi pósthúsi næsta virka dag gegn framvísun tilkynningarinnar. Pakki heim er auðkenndur með grænum límmiða. 

Pakki samdægurs

Pakki samdægurs er aðeins í boði fyrir fyrirtæki á höfuðborgarsvæðinu, sem eru í fyrirtækjaþjónustu Póstsins og nota hugbúnaðinn Póststoð til að merkja pakkana. Pakki samdægurs er keyrður út til fyrirtækja fyrir klukkan 17:00 og til einstaklinga milli klukkan 17:00 - 22:00 sama dag.

SMS Tilkynning

Skrái sendandi GSM númer viðtakanda pakka innanlands verður honum send SMS tilkynning áður en útkeyrsla er reynd og viðtakandi getur gert viðeigandi ráðstafanir.

Gott að vita

Landpóstar sjá um 3 - 5 daga dreifingu til fáeinna þéttbýla og allra dreifðra byggða og sveita. Þar sem landpóstar sinna dreifingu, þá skal keyra öllum skráðum sendingum léttari en 30 kg. og/eða 0,125 m3 heim til viðtakanda. Ef póstur berst sem er umfram þessi þyngdar/stærðarmörk býðst viðskiptavinum að sækja sendinguna eða fá hana keyrða heim. Hér má sjá verð fyrir heimsendingu.

Verð

Verð fyrir pakka innanlands og viðbótarþjónustu finnur þú hér.

  • Netsamtal