Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
IS EN
Hafa samband
Loka

Kaupsamningur

Kaupsamningur er undirritaður af viðtakanda og sendur til baka til seljanda.

Hægt er að senda samning til undirritunar með Póstinum. Bæði er hægt að senda kaupsamning með ábyrgðarbréfi, afhent skráðum viðtakanda eða pakka innanlands.

Kaupsamningur er til dæmis þegar kaupandi vöru eða þjónustu óskar að láta t.d. skuldfæra af bankareikningi sínum eða kreditkorti fyrir upphæð vörunnar eða þjónustu. Reikningseigandi staðfestir með undirritun sinni á kaupsamning að hann heimili seljanda að skuldfært verði á tilgreindan reikning eða kreditkort.

Póstlagning

Það er eingöngu hægt að senda kaupsamning gegn sérsamningi. Hafið samband við Fyrirtækjasölu.

Hvað er hægt að senda?

Annars vegar ábyrgðarbréf ef einungis er um skjöl að ræða, hins vegar pakka ef varan sem verið er að kaupa er í sendingunni. Stærðarmörk fara eftir því hvort um ábyrgðarbréf eða pakka sé að ræða.

Sendingar skulu vera merktar sérstaklega með plastumslagi: "Kaupsamningur – Afhendist eingöngu skráðum viðtakanda gegn undirskrift kaupsamnings. Opnist af starfsmanni Póstsins við afhendingu sendingar". Plastumslagið skal vera á áberandi stað, helst á framhlið sendingarinnar. Ef það kemst ekki á framhlið sendingarinnar er límdur límmiði sem tilkynnir um kaupsamninginn. Í plastumslaginu þarf að vera venjulegt umslag til þess að senda undirritaðan samning til baka. Á umslaginu skal vera ábyrgðarnúmer og merkt viðtakanda. Einnig þarf að skrifa KAUPSAMNINGUR á umslagið.

Afhending

Einungis skráður viðtakandi má taka við sendingunni, umboð gildir ekki og það verður að sýna skilríki. Við afhendingu er viðtakandi látinn undirrita samninginn. Sá sem skrifar undir samninginn fær merkt afrit og meðfylgjandi sendingu. Umslag með ábyrgðarnúmeri fyrir samninginn til baka er inni í plast umslaginu.

Gott að vita

Kaupsamningur tryggir öryggi í viðskiptum milli aðila sem ekki eru á sama stað á sama tíma.

  • Netsamtal