Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
IS EN
Hafa samband
Loka

Rekjanleg bréf

Rekjanleg bréf innanlands þarf að póstleggja á pósthúsum til að tryggja að það fái rétta meðhöndlun.

Póstlagning

Rekjanleg bréf innanlands þarf að póstleggja á pósthúsum til að tryggja að það fái rétta meðhöndlun. Burðargjald rekjanlegra bréfa er samsett úr ábyrgðargjaldi og burðargjaldi. Rekjanleg bréf til útlanda er hægt að senda til flestra viðskiptalanda Íslands innan og utan Evrópu. Til að tryggja rétta meðhöndlun í viðtökulandi er mikilvægt að setja á rekjanlega bréfið A miða eða tilgreina það greinilega með öðrum hætti að hér sé á ferðinni sending í forgangi. Ef innihald er annað en skjöl þarf að setja tollmiða á sendinguna. Afhendingarmáti getur verið mismunandi eftir því hvaða ákvörðunarland er um að ræða.

Hvað er hægt að senda?

Hámarksstærð: lengd + breidd + hæð: 900 mm. Mesta lengd: 600 mm. Lágmarksstærð: Umslag: 90 x 140 mm. Þyngdarflokkar: 0 – 50 gr, 51 – 100 gr, 101 – 250 gr, 251 – 500 gr, 501 – 1.000 gr, 1.001 – 1.500 gr, 1.501 – 2.000 gr. Hér má sjá verð.

Afhending

Rekjanleg bréf afhent á pósthúsi

Rekjanleg bréf afhent á pósthúsi er eingöngu afhent skráðum viðtakanda gegn framvísun skilríkja með mynd eða umboðsmanni hans skv. skriflegu umboði og framvísun skilríkja. Foreldrar barna yngri en 18 ára eru sjálfkrafa umboðsmenn þeirra. Sendingar sem afhentar eru skráðum viðtakanda eru strikamerktar og einkenndar með rauðum miða. Rekjanleg bréf frá útlöndum eru afhent sem rekjanleg bréf á pósthúsi.

Rekjanleg bréf afhent á ákvörðunarstað

Rekjanlegt bréf afhent á ákvörðunarstað, er afhent þeim sem staddur er á því heimilisfangi sem ritað er á bréfið. Sendingar sem afhentar eru á ákvörðunarstað eru strikamerktar og einkenndar með gulum miða.

Rekjanleg bréf afhent skráðum viðtakanda

Rekjanlegt bréf afhent skráðum viðtakanda, er eingöngu afhent skráðum viðtakanda gegn framvísun skilríkja með mynd eða umboðsmanni hans skv. skriflegu umboði og framvísun skilríkja. Foreldrar barna yngri en 18 ára eru sjálfkrafa umboðsmenn þeirra. Rekjanleg bréf sem skal afhenda innan fyrirtækja má afhenda hverjum þeim sem er með umboð um að taka við öllum pósti sem stílaður er á fyrirtækið. Það gildir einnig um rekjanleg bréf sem eru skráð að eigi að afhendast skráðum viðtakanda og eru stíluð á fyrirtækið og einstakling innan þess. Sendingar sem afhentar eru skráðum viðtakanda eru strikamerktar og einkenndar með bláum miða.

Gott að vita

Ef rekjanlegt bréf týnist eða skemmist í meðförum Póstsins getur sendandi krafist skaðabóta allt að 3.500 kr. Verðmætari sendingar er hægt að tryggja með pósttryggingu.

  • Netsamtal