Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
IS EN
Hafa samband
Loka

Almennt um sendingar frá útlöndum

Allar sendingar sem koma með Póstinum erlendis frá þarf að tollafgreiða.

Hvort sem um er að ræða pakka, bréf, rekjanleg bréf eða rúmfrek bréf. Tollskoðun er framkvæmd af Tollgæslu og sendingar eru einungis opnaðar á opnunartíma, mánudaga - föstudaga, milli kl. 08:00 og 15:30.

Best er að hafa fullnægjandi upplýsingar um verðmæti sendingarinnar utan á pakkanum. Ef ekki, er pakkinn stoppaður og tilkynning send til viðtakanda bréfleiðis eða í tölvupósti. Beiðni um tilkynningu í tölvupósti.

Áttu von á sendingu frá Kína?

Hér má finna leiðbeiningar fyrir tollafgreiðslu sendinga frá AliExpress.com.

Flýttu fyrir

Ef þú átt von á sendingu og ert með sendingarnúmer þá getur þú flýtt fyrir ferlinu með því að senda okkur reikninginn strax. Við tollafgreiðum þá sendinguna strax við komu til landsins ef gögn eru fullnægjandi.  Þú flýtir fyrir tollafgreiðslu sendingar um allt að 3 virka daga ef þú sendir okkur reikninginn fyrirfram. Þegar tollafgreiðslu lýkur þá fer hún á pósthús eða í heimkeyrslu til viðtakanda næsta virkan dag.

Að tollafgreiðslu lokinni eru pakkar afhentir viðtakendum með dreifikerfi Póstsins. Sjá verð fyrir tollmeðhöndlun.

Tollflokkar og gjöld

Á vef Tollstjóra eru upplýsingar um tollflokka og gjöld, leitarorð þurfa að vera í fleirtölu. Þar er einnig gagnleg reiknivél þegar verslað er á netinu.

Öll fjarskiptatæki verða að vera CE-merkt. Tæki, sem ekki eru CE-merkt, eru ólögleg hér á landi.

Tollafgreiðsla fer fram á einfalda skýrslu (E-3) eða tollskýrslu(E-1), skv.  37. grein Reglugerðar um vörslu og tollmeðferð vöru, nema í ljós kemur að um tollfrjálsa sendingu er um að ræða.

Hvað ef þetta er gjöf?

Ef þú ert viðtakandi gjafar og hún hefur verið flokkuð sem tollskyld sending, vinsamlegast kynntu þér upplýsingar um gjafir á tollur.is/gjafir. Athugið að þegar verðmæti gjafa er yfir 13.500 ISK þá skal greiða gjöld af verðmæti umfram þá fjárhæð og þarf því að tollafgreiða sendinguna. Nánari upplýsingar um gjafir.

Tollfrjálst

Tollgæslan skoðar allar sendingar sem koma til landsins og úrskurðar hvort þær eru tollskyldar eða tollfrjálsar. Sé sending úrskurðuð tollfrjáls telst hún tollafgreidd og er afhent viðtakanda með dreifikerfi Póstsins.

Sendingar sóttar á pósthús

Sendingar sem berast á næsta pósthús eru tilkynntar viðtakanda, annað hvort með SMS tilkynningu eða með tilkynningu sem er borin út daginn eftir komu og getur viðtakandi þá nálgast pakkann. Geymslugjald reiknast á allar sendingar sem bíða á pósthúsi eftir 7 daga frá komudegi. Geymslugjald á hvern dag er skv. verðskrá fyrir sendingar frá útlöndum.  

  

  • Netsamtal