Einstaklingar

Fyrirtæki

Um Póstinn

Leita
Finna sendingu
Skrá sendingu
Innskráning
Netsamtal
Pósthús og opnunartímar
IS EN
Hafa samband
Loka

Um pakka til útlanda

Þegar þú sendir pakka til útlanda eru þeir skráðir og hver pakki fær sendingarnúmer.

Skráning tryggir rekjanleika og staðfestingu á móttöku. Pósturinn býður upp á þrjár leiðir fyrir pakka til útlanda, flugpóst, economy og exprés pakka. Frá 1. janúar 2017 mun Pósturinn ekki bjóða upp á sendingar með sjópósti. Við mælum með því að verðmætari sendingar séu tryggðar með pósttryggingu, en lágmarkstrygging er innifalin. Hér má sjá verð.

Póstlagning

Þú getur skráð pakka til útlanda á vefnum. Skráning flýtir fyrir vinnslu þar sem upplýsingar berast rafrænt beint í tölvukerfi Póstsins. Hægt er að póstleggja á næsta pósthúsi og í Fyrirtækjaþjónustu.

Hvað er hægt að senda?

Stærðarmörk pakka eru ákvörðuð af hverju móttökulandi fyrir sig og flutningstími er líka breytilegur. Skoðaðu áætlaðan flutningstíma, stærðarmörk og viðbótarþjónustu til útlanda. Bæði er að finna upplýsingar um flugpóst og exprés pakka ásamt þeirri viðbótarþjónustu sem hvert land býður. Það er á ábyrgð sendanda að afla sér upplýsinga um innflutningshöft í ákvörðunarlandi. Nánari upplýsingar um þjónustu í hverju ákvörðunarlandi má sjá með því að smella á nafn landsins. Upplýsingarnar eru fengnar úr gagnagrunni UPU, Alþjóðapóstsambandsins, og getur Pósturinn ekki ábyrgst að þær séu réttar. Þá eru einnig tilvik þar sem upplýsingar liggja ekki fyrir.

Hættulegur varningur

Óheimilt er að flytja hættulegan varning með pósti til útlanda og einungis má senda lithíum rafhlöður inni í raftækjum. Fullvissaðu þig um að sendingin þín innihaldi ekki hættuleg efni og tryggðu að umbúnaður sé fullnægjandi og pakkinn heill og óskemmdur. Dæmi um hættulegan varning og raftæki sem óheimilt er að flytja með pósti til útlanda.

Útflutningsskýrsla

Öllum vörum sem fluttar eru frá landinu til viðgerðar eða sölu þarf að fylgja útflutningsskýrsla. USA Ef innihald sendingar er matarkyns, t.d. sælgæti þarf að fylla út umsókn hjá FDA (U.S. Food and Drug administration).  Á sendinguna þarf síðan að rita PN númer sem er uppgefið í lok skráningar á umsókninni hjá FDA.

Afhending

Afhending pakka til útlanda ræðst af flutningsmáta (flugpóstur/exprés) og ákvörðunarlandi pakkans. Skoðaðu áætlaðan flutningstíma, stærðarmörk og viðbótarþjónustu til útlanda.

Gott að vita

Pakkar í flugpósti og exprés pakkar fara með fyrsta flugi til útlanda og er komið til viðtakanda í ákvörðunarlandi. 

Fylgstu með pakkanum

Þú getur fylgst með sendingunni þinni á ferðalagi sínu um heiminn. Flest erlend póstfyrirtæki bjóða þér að slá inn sendingarnúmer á vefsíðum sínum og fylgjast með ferlinu.

Exprés pakki

Betri þjónusta, skráð og rekjanleg sending, öruggur afhendingardagur, heimkeyrsla og tollskýrslugerð í ákvörðunarlandi.

Með því að nýta sér þjónustuna Exprés pakki til útlanda tryggja fyrirtæki viðskiptavinum sínum betri þjónustu. Exprés pakka er hægt að senda til þeirra landa sem hafa gert með sér samkomulag um forgangsmeðferð slíkra sendinga. Ákvörðunarlöndin eru öll ESB lönd fyrir utan Búlgaríu, Kýpur, Lettland, Möltu og Rúmeníu. Auk þess Lúxemborg, Noregur og Sviss. Hér má sjá verð exprés pakka.

Póstlagning

Exprés pakka til útlanda þarf að póstleggja með því að nota skrá sendingu. Burðargjald felur í sér afhendingu heim að dyrum. Sendingar eru skráðar og rekjanlegar. Sendandi getur beðið um sönnun fyrir móttöku (Proof of Delivery) allt að ári eftir póstlagningu.

Hvað er hægt að senda?

Leyfileg stærðar- og þyngdarmörk eru breytileg eftir ákvörðunarlöndum, sem og flutningstími, sjá nánar í viðskiptaskilmálum. Takmarkanir á innihaldi exprés pakka til útlanda eru þær sömu og á innihaldi pakka innanlands. Það er á ábyrgð sendanda að afla sér upplýsinga um innflutningshöft í ákvörðunarlandi sendingar.

Afhending

Sendingin þín fer með fyrsta flugi til útlanda næsta virka dag eftir póstlagningu, ef póstlagt er fyrir síðasta skilgreinda póstlagningartíma.

Ákvörðunarland Hámarksþyngd kg Mesta lengd m (L) Hámarksstærð m (L+U) Flutningstími - virkir dagar
Austurríki 30 1,5 3 3
Belgía 30 1,5 3 3
Bretland 30 1,5 3 3
Danmörk* 20 1,5 3 3-4
Eistland 30 1,05 2 3-4
Finnland 30 1,05 2 3-4
Frakkland 30 1,05 2 3-4
Grikkland 20 1,5 3 3
Holland 20 1,5 3 2-5
Írland 30 1,5 3 3
Ítalía 30 1,5 3 3-4
Litháen 30 1,05 2 3-4
Lúxemborg 30 1,5 3 3
Noregur 30 1,5 3 3
Portúgal 30 1,5 3 3-4
Pólland 20 1,5 3 3-6
Slóvakía 20 1,5 3 3
Slóvenía 30 1,5 3 3-6
Spánn 30 1,05 2 3
Sviss 30 1,5 3 3-4
Svíþjóð* 20 1,5 3 3-4
Tékkland 30 1,5 3 2-4
Ungverjaland 20 1,5 3 3
Þýskaland 30 1,05 2 3-6

*Pakki er ekki keyrður heim að dyrum ef móttakandi í Svíþjóð og Danmörku þarf að greiða toll af sendingu nema viðkomandi sé í reikningsviðskiptum við Póstinn í DK og SE.

Gott að vita

Í burðargjöldum fyrir Exprés pakka til útlanda er innifalin ábyrgð allt að 82.000 kr ef Exprés pakki glatast eða skemmist. Pósturinn tekur ekki ábyrgð á óbeinu tjóni sem verður vegna seinkunar á afhendingu.

  • Netsamtal